ROU HEUNING
VAN
PLAASLIKE
BLOMME
kraan & gebottel
BYE WAS
Propolis
WAT IS ROU HEUNING
Rou heuning is uit die heuning koek gehaal deur die koek in 'n sentrifuge te draai. Heuning vloei dan na 'n bodem waar die heuning en die was natuurlik oor 'n paar dae skei. Daarna vloei die heuning na 'n bottelerings tenk vanwaar dit gebottel word. Dit is "rou heuning". Geen verhitting of filterasie nie... jy mag dalk stukkies was en propolis in die heuning kry, plus al die ander goed wat met rou heuning gepaard gaan. Die onttrekte koek, wat in n hout raam ingebou is, word in die korwe hergebruik sodat die bye dit weer vol kan stoor oor die volgende jaar.
ORGANIESE OORSPRONG
Organiese / Natuurlike Oorsprong - ons is nie "organies gesertifiseer" en stel nie veel aan dit belang nie. Dis maar net nog n middelman met skoon hande wat die prys op jaag. Ons heuning is afkomstig van suiwer natuurlike gebiede.Gewas heuning kan ook organies wees as daar geen plaagdoders gebruik is nie (maar dit is baie skaars).
Hierdie term het wel sy grys areas, en as produsente van etiese produkte kies ons om die kliënt te laat besluit waar hulle hul vertroue wil stel.
BYE WAS & PROPOLIS
Bye was & Propolis is ook produkte van die korf wat ons in verskeie vorme aan die verbruiker beskikbaar stel. Bye was kan vir verskeie doeleindes gebruik word en ons verkoop slegs kosmetiese graad was. Dit is beskikbaar in verskillende groottes (tot en met 1 kg).
Propolis het talle gesondheidsvoordele, insluitend antimikrobiese eienskappe. Slegs hoë kwaliteit skoon propolis word geoes en in 'n bruikbare vorm verpak.
WANNEER IS BYE SEISOEN?
Tipies begin Bye Seisoen net na Winter. Byekolonies begin werk om hulpbronne in hul nes te kry sodat hulle hul arbeidsmag kan uitbrei. Gedurende die lente en somer word die meeste van ons heuning geproduseer, wanneer byekolonies en hopelik blomme op hul hoogtepunt is. Nie alle blomme produseer nektar wat die bye nodig het om heuning te maak nie. Herfs is die tyd wanneer die byekolonies begin krimp en hulself voorberei vir die winter.
WAAR IS DIE HEUNING VANDAAN
Ons heuning is plaaslik, wat beteken dit kom van natuurlike gebiede rondom Port Elizabeth. Die heuning is nie gemeng nie om 'n eenvormige smaak, kleur, ens. te verkry nie, dus het dit unieke en verskillende smaak heuning tot gevolg het. Ons koop nie heuning by ander byeboere nie. Ons oes al ons heuning uit ons eie korwe (gewoonlik een keer per jaar), en om hierdie rede is die heuning beperk.
KRAAN HEUNING TERME
Voordat ons onttrekte rou heuning in die bottel gaan, verkoop ons sommige teen 'n baie bekostigbare prys as kraan heuning.
Bring jou eie skoon, wye mond houer (mond groote ten minste 50 mm).
GEEN smalbek/vuil/nat houers sal gevul word nie. Geen houers sal skoongemaak word nie!!!
Minimum 500g, Maksimum 5 kg (of 3 kg as gevolg van lae voorraad) (per persoon / huishouding per dag)
HEUNING BELEID
Slegs 'n sekere hoeveelheid gebottelde heuning word daagliks op ons rakke uitgepak (beperkte hoeveelhede per klant verkoop). Dit is sodat ons deur die jaar heuning op ons rakke kan hou en ten minste diegene kan help wat net vir 'n koffie en 'n potjie heuning kom kuier.
Dus, basies waarop ons beleid neerkom, is dit:
Ons het elke jaar kraan heuning beskikbaar totdat die toegewese voorraad klaar is, en dan sal ons net gebottelde produkte beskikbaar hê, gespasieer om hopelik te hou totdat die volgende jaar se oes begin inkom.
Teken in by ons plaas op die e-pos lys - ons sal jou presies laat weet wat gebeur met betrekking tot heuning beskikbaarheid. Onthou ook asseblief dat ons nie voorraad eenkant hou vir kliënte nie. Kom vroeg in die dag of stuur iemand anders as jy nie kan kom nie.
Ons het elke dag voorraad limiete; en werk streng op Eerste kom, eerste bedien.
DANKIE!